so now.
me undastan seh everybody seh fashion ova style and everybody is dem own smaddy and everyboddy wanna ball
but…all when we dead?
like all when we dead
why me de yah a mind me bussiness and see dis
so wah
dovecot nuh good agen
meadowrest dun out?
nuhbaddy cyaan bury inna granny back yard down di hill weh di dasheen dem plant
we need personalised options fi reflect we character
yu know seh me nah go a di site?
me nah go
how me final resting place fi unique
yu know seh dem better a show me sepulchre and sarcophagus and different kinda urn because me nuh know wah else dem coulda mean
me can jus imagine one smaddy have di contarct fi bury yu anyweh yu waan bury
empire state?
done
RKA weh digicel deh caw yu want a bigger better burial?
done
me can …
u know when me see di summn a missa wackie come to mind immediately
like if him did run funeral home how it woulda go
a dat me a imagine enuh
like him a seh yeh, everyting haffi swag. all when yu inna body bag
body bag swag
caw we death haffi unique
oh so badly
anyweh we puddung we body
swag
like….
whaapen to funeral home weh dem jus gi yu a plot and done
yu see weh we reach now?
bet yu when yu goa di site yu see a ooman wid a bedazzler ready fi sort out yu ting
unique death enuh
death swaggin.
#ican’t and #iwon’t
me done
mooretalkja 