i know this is a blog built on bitterness (it would seem)
but too much a one ting boring
and sometimes (please put down your cell phone and deactivate di calling tree you were about to start, this is not about me)
sometimes people fall in love
dem feel dem way yah
it ever happen to yu yet?
yu inna a room
and a bag a people a walk between yu
but nuh matter what yu ever know weh one smaddy in particular deh?
yu ever meet smaddy and yu find yuself a fight wid yusef fi come outta yu owna way jus so yu can go to dem?
i am not purporting that the person saved you from yourself
or made you better
because we haffi get outta da love as saviour ting yah
me feel seh we a put too much pressure pon love and lovers
but yu ever meet smaddy yet, and due to how yu feel bout dem is like yu jus start breathe deep and di air a go way dung inna yu lungs and is like all di time before yu nein a breathe propa?
and when yu find dat
and da smaddy deh
is like yu nuh even waan blink caw suppose dem do summn, and yu nuh see it
or suppose summn happen to dem and yu never dede fi stop it
dem ways deh