me just a go start wid di picture
Now imagine me a look pon me facebook page. Genkle Genkle and see Junior come post dis
yu know seh dah fish deh never ready fi dead yet don’t?
if a me a cook da fish yah me nuh nyam it caw it sure fi gimme mawly grip and fluxy complaint (dat come een like indigestion fi all weh nuh know)
summn ever gi yu side eye from di pot yet?
di fish bex!!!!
me seh if yu nyam dis it surely swim up back through yu intestines and choke yu
me feel di vegan dem can use dis fi dem nex campaign
dem a show we all a di sad animal dem
nex dem fi show we de mad animal dem
fi remind we seh dem full a emotion and we nyam up all a dem feelings
*burp*
dat aside…..is a strong back dish dis enuh
yu a pree di ochro
lone slime dat enuh
*cues chino*
girl bring it come mek me rough it up fi yu*
NO YENDI JOKES!
mooretalkja 
Jah know, you funny bad eenuh! LOL