look here nuh, me used to see the meme dem and laugh after dem but me never realise how it real…
is there any betrayal that cuts more deeply than when he smaddy who claim fi deh wid you nyam and leff you out?
everything gone inna doubt after that
yes you love me…when you belly FULL
will you love me when you hungry
matter of fact
will you love me when you peckish?
me cuddn believe it, come inna the bathroom as cool as you please wid di cheese trix crumbs a circle him mouth like lion fish inna harbour – well proud a tell me bout him likkle snack.
like me did fi happy fi him.
like me did fi celebrate say him nah starve.
inna that moment if me see him a road a dead fi thirst me wuddn even piss inna him MOUT
so deep was the wound if you cut me you wuddn find BLOOD
JESUS wept and died and rose again for this charlatan to come moggle pon me wid cheese trix crumbs…the salty part a the bottom too…the nice part weh you all tun over the bag fi lick out.
me hurt, me devastated, me nuh know if we can make it back again.
mooretalkja 